挑戰大少先

大少已經唔再吸引大家喇, post左d相都冇人回應, 輪到我傻pa出場, 睇下有冇人留言先!

獅子皇肥咗呀

cret cret而家夠晒位瞓喇!

我撐 . 我撐 . 我撐撐撐!!!

上次見到阿cret係都要掙入獅子度, 佢呢幾晚係都要喺獅子度瞓, 仲要為咗"long"住個頭, 但又唔夠位, 唯有撐隻腳出去啦, 真係比佢激死!
老阿四話隻獅子太細, 阿B都會好快唔啱瞓, 不過我話阿B未唔啱已經比阿cret撐爛咗啦!

動物奇觀

你哋睇下隻獅子幾可憐, 佢比隻細貓壓實咗呀!
不過......佢再可憐d係比阿cret掙爆咗呀!
(其實呢隻獅子兜係比阿B嘅, 喺yahoo訂咗一段時間先有, 隻紙箱就係臨時嘅, 不過阿cret鬼咁鍾意, 掉咗隻紙箱佢都夾硬要坐入隻獅子度!)

很warm的朝早

本來以為阿B掙阿CRET一定大打出手,出奇冇出手之餘仲2兄弟鬼咁好!
因為係朝早突如奇來見到, 一來趕返工, 二來唔識搞大相機, 三來佢地郁住, 所以影得鬆郁矇, 請唔好見怪呀!

細B的真實身型

為咗糾正你哋對阿B身型嘅誤解(阿B好肉感!好大隻!), 我必須影D佢哋一齊嘅相, 大家先至可以真正比較到!













同場加影d好cute嘅相比大家睇吓先!












呢張相阿pa係咪好搞笑呢? 莫非佢影定嚟為佢今日2歲生日贈慶?

正一冇有怕

清拆籠屋行動順利完成

呢個係佢新地址呀! 不過其實係拆咗舊屋重建, 而家可住貓數為:2

遲咗小小嘅新年禮物呀

你哋睇阿B幾有動感, 應該對份禮物都好滿意

進一步開放

終於等到了, BB開始夜晚唔使做籠貓喇! 日頭就仲困住, 怕老四搞佢唔掂嘛!
佢哋各有各嘅竇, 不過夜D去睇佢哋又會執位, 第二朝又再執位架, 好得意!

拆禮物呀

收到箱咩呀?

閃閃玩具

相信大家都可能知阿B好鍾意玩有閃閃嘅玩具, 上次喺CATSHOW度見到一個又長又閃嘅, Miss Four就好鍾意支玩具, 不過就唔係幾鍾意個價錢(成60定唔知65蚊), 本來都想再考慮吓, 不過因為果日show完又趕住走, 第二日又唔係幾舒服, 最後又冇再去, 就冇買到.
不過你哋睇下......






































幾錢...... 哈哈! 十八蚊就得嘞! 第一第二果2支係玩到得返支棒再加上去, 最尾果支阿B唔係好鍾意, 而且去到cherry姐姐屋企佢又好鍾意人哋屋企一支有閃閃又有毛毛嘅玩具, 靈機一觸咪加D閃閃上去等佢玩囉, 好過西咗嘛! 再玩爛都仲有得replace呀!

真係超驚.......喜呀!

打得火熱

我知我與你 會愛得激烈
越親越熱 然後短兵相接
我不怕愛上你 與你打得火熱
像這般親熱 誰又需要撇脫