Wednesday, October 21, 2009

一家貓嘛

終於影到坐埋一齊喇!
不過大家可以睇到阿諸隻眼成日都單起唔開晒, 好難先影到佢一對眼大晒架喇而家! 你哋睇我阿白同阿標, 好可愛呀!





Thursday, September 24, 2009

磅重日

尋晚帶左阿諸同阿標去診所, 主角係阿標要打一年一支, 當然打針都冇咁快啦, 好快就打完喇!
阿諸其實係配角, 冇book時間架, 諗住有位就check下隻眼, 於是book左7點, 6點半就去到, 睇吓有冇得睇囉, 結果梗係有啦, 醫生姑娘咁好人!!!

磅重報告:
阿諸: 5.8kg, 維持
阿標: 4.4kg, 微升0.1kg (其實真係好失望, 因為想佢可以重d肥d, 已經狂谷架啦, 佢又食得比人多, 仲要日日飲埋10ml奶, 正一side米飯)
去到診所放佢2個上枱, 2個竟然定一定唔郁, 仲面對面, 於是拿拿聲影張相先!













大家唔好以為阿標個頭大左呀, 用常理分析一下, 阿標同阿諸嘅體重分別就知, 冇理由大家都咁上下size, 呢個其實影相角度問題咋! 不過因為阿諸喺度, 張相影到阿標唔似啡虎紋喇!
同場加影一張好cute嘅poster, 都係醫生度影返嚟! 似唔似佢2個嘅縮影呀?















p.s. 檢查左阿諸隻眼, 醫生話其實眼角膜上嘅傷口已經好返, 肉眼見呢d係疤痕, 如果想填補個疤痕, 又要開刀挑眼簾上d嘢去補, 補完都有粉紅色疤痕, 這個當然唔搞啦, 最緊要而家傷口已經好左就得啦, 唔使再做喇叭仔!

Friday, May 08, 2009

慕容三俠正式命名喇!

終於改到名喇, 順序為慕容諸, 慕容白同慕容標呀!


Tuesday, April 07, 2009

告別賽

分手嘅時候好多時都要以吵鬧收場, 大少當然都唔例外啦!
最尾果張圓頭圓眼相就作為一個"圓尾"終結喇!後會有期!




小可愛出場

實比人話我孻仔拉心肝添!





Monday, April 06, 2009

抱歉呀! 失禮晒添

過去2日cat show好疲累, 心情亦好緊張同激動, 尋晚完咗之後攰到想死, 不過半夜被fax電話嘈醒之後, 輾轉反側, 決定要為以下2件事對受影響嘅人致歉.

1. 首先對於ring 3, 一隻exotic都唔入final, 我反應over咗, 同時我嘅言論又表現得幸災樂禍咁(因為我阿cret呢個ring都只得橙色, 本身都未必入到), 我真係過份咗嘞
2. BB喺ring 2拎咗個第10, 我真係太太太激動, 得一個第10唔使咁巴閉, 不過請大家原諒, 因為我個人真係好想佢嬴, 覺得呢個評判係鐘意佢, 不過mr. four同奶娘都話我奢奢奢望, 覺得我傻, 連紫帶都冇, 想入top 10, 阿B竟然入左, 為我平反, 為我所付嘅心血得到回報同認同, 果一刻真係超興奮, 如果當時我失言, 希望大家唔好見怪呀

除此之外, 我仲要喺度多謝幾個人

首先要好好好好好好好好好好(x10)多謝Danny, 佢幫咗我好多, 教我點嘈肥阿B, 又幫我整靚佢, 仲比好多信心支持阿B
第二個係Cherry, 佢幫我湊咗阿B差唔多2個星期, 返咗屋企之後佢肯食多好多, 而且仲仗義借出Eye Envy水比我, 多謝晒呀
最後梗要多謝奶娘佢交阿B比我啦!

Cat Show 相等過2日搞好先post喇!

Tuesday, March 10, 2009