Thursday, September 24, 2009

磅重日

尋晚帶左阿諸同阿標去診所, 主角係阿標要打一年一支, 當然打針都冇咁快啦, 好快就打完喇!
阿諸其實係配角, 冇book時間架, 諗住有位就check下隻眼, 於是book左7點, 6點半就去到, 睇吓有冇得睇囉, 結果梗係有啦, 醫生姑娘咁好人!!!

磅重報告:
阿諸: 5.8kg, 維持
阿標: 4.4kg, 微升0.1kg (其實真係好失望, 因為想佢可以重d肥d, 已經狂谷架啦, 佢又食得比人多, 仲要日日飲埋10ml奶, 正一side米飯)
去到診所放佢2個上枱, 2個竟然定一定唔郁, 仲面對面, 於是拿拿聲影張相先!













大家唔好以為阿標個頭大左呀, 用常理分析一下, 阿標同阿諸嘅體重分別就知, 冇理由大家都咁上下size, 呢個其實影相角度問題咋! 不過因為阿諸喺度, 張相影到阿標唔似啡虎紋喇!
同場加影一張好cute嘅poster, 都係醫生度影返嚟! 似唔似佢2個嘅縮影呀?















p.s. 檢查左阿諸隻眼, 醫生話其實眼角膜上嘅傷口已經好返, 肉眼見呢d係疤痕, 如果想填補個疤痕, 又要開刀挑眼簾上d嘢去補, 補完都有粉紅色疤痕, 這個當然唔搞啦, 最緊要而家傷口已經好左就得啦, 唔使再做喇叭仔!

4 comments:

Bosco & Ryan said...

2個真係好兄弟,動作與眼神一致,阿標個頭真係好似大左喎!! 恭喜大少唔駛再帶喇叭咁陰公嘞 ^w^

菲菲 said...

阿B得4.4,仲輕過菲葆,唔得喎,男仔要肥D丫!比阿B黎菲葆渡假屋接受增肥特訓吧! XD

菲菲 said...

漏左,大少眼仔好返就得,果條疤痕,由佢啦,淡淡地一條之嘛,出黎行點都要有返條疤痕旁身啦,仲man仲型,我鍾意!

爽媽 said...

好鍾意"諸、標"兄弟呢張相,好friend咁喎!
果然係兄弟同心,吾怕醫生!!! :p