奀仔奀唔奀

終於"的"起心肝秤一秤3隻嘢, 順便喺用功嘈肥駝駝郎前做個記錄, 知道下佢個底牌先!
結果係有少少意外格(因為係用人用嘅磅抱住佢地, 再減去自己重量而得出嘅, 同醫生磅可能有出入)

肥pa - 6.1 - 6.2kg (係你地嘅感覺咋, 我地覺得佢瘦左好多, 加上阿b返左之後, 佢總有點悶悶不樂)
肥cret - 6.1 - 6.2kg (可能mr. four終於聽下人勸, 收左手, 比少好多, 不過都有d意外只有6.1-2kg, 一路以為佢會有7kg, 而且瘦pa望上去真係瘦過佢好多)
奀b - 2.1-2.2kg (佢其實同阿pa哥細個呢個時期都係差唔多, 阿pa當時係2.3kg, 所以我都有d詫異佢有2.1-2.2kg)

新來的cornish rex

hi大家好, 我係駝駝郎呀! 同隔離blog阿次郎可能係親戚都唔定呀!

打破宿命

每次去show, 評判越表現開心, 表面越喜歡我家的貓貓, 往往都唔會被選出, 今次竟然係唯一一次能打破這個宿命! 原因係...... 細B出賣了自己的色相....... 他獻出了作為貓以來對陌生女人的初吻, 換取了一個彩帶, 其實最主要係要換到一包2KG嘅貓糧! 這個女人就是她了, 唉.......阿B你真係可憐嘞























大家唔知有冇留意呢, Mr. Four去咁多次show都冇同評判一齊影過相架, 今次都係第一次咋! 連阿CRET係N年前拎果條第三都冇影過, 今次佢影嘅原因係佢認為, 呢個將會係BB貓世之中, 最大嘅成就嘞! 講真, 真係超超超出晒我哋預期之外嘅之外囉, 我哋好耐都冇拎過D貓攞果D藍, 黑 OR 白嘅色帶返去(通常比左都留返喺個展籠就算), 當阿B攞到白色嘅時候, 已經鬼咁開心, 仲拎返去讚BB叻仔, 後尾2個RING拎埋黑色更加覺得尋日超額完成啦!

火熱動感哈哈蝦!

唔使驚, 阿cret喺大廳

PaPa: 做咩有個塞斗窿喺到吔文吔武呀! 呢度幾時到你話事呀?
細B: 咁呢度係邊個話事先?

Miss Four:呢個細B真係冇有識死, 成日喺度蝦PaPa, 佢都真係有比番幾分薄面阿CRET, 佢都係主要撲去阿Pa度, 走到埋去阿CRET度都會走返轉頭; 不過..... 都係幾分咋, 跑得去幾次過去之後, 見阿Pa唔喺度比佢蝦, 幾大就幾大, 話知你係乜水, 阿cret又點呀, 車!

同一樣的年紀同一樣的場景

大家有冇咩發現呢?

童年的我一定天真可愛

車姐姐話小朋友大得好快, 一定要影多d相, 我就話我跑得快好多咯!

中秋節快樂

We wish you a merry 中秋節, we wish you a merry 中秋節, we wish you a merry 中秋節 and a happy ..八月十五!

佢被點穴呀

找到藉口

Miss Four找到最愛這小鬼的藉口是他醒醒目目, 坐定定的影下相, 又俾抱(大概10分鐘左右啦), 又精乖
Mr. Four找到相機封塵的藉口是他的模特兒十分不合作, 舉起相機的第一張還未搞清楚是甚麼回事, 所以勉強影到開眼的一張相, 其他呢..... 全都是唔比面, 擰mme面, 咋瞓以示對抗!
備註: 大家有心嘞, 你哋見到小鬼幾精神, 佢好似冇事發生過咁呀, 有冇啷啷佢都唔係好在乎咁, 反正都毫無用武之地

測試結果

貓湖傳聞, 這張毯很受貓貓歡迎, 但是要我到x-pet/紅xx買$250都實在有點困難, 多謝同事周先生的慷慨, 一口氣買了$500多元貓糧, 並送了其中一張貓毯給我, 終於等到今晚可以測試下它的威力了!
結果是....... 預期之外
我家的2位確實是少爺, 很斯文淡定, 面對如此大吸引力都留有餘力, 更預料之外是一向較活潑可愛好動的二少竟玩得如斯優雅, 反而平時cool爆的大少會如此力歇與貓毯鬥爭, 搞到疲累不堪

超級演唱會

好耐未試過九號風球, 搵D咩做? 不如去聽演唱會! Miss Four當然要最貴飛果隻, 現場感十足, 聲音雄壯震撼, 家中2老同阿Pa都有聽, 不過佢哋大廳飛, Mr. Four因為要開工, 所以冇份! 有咩歌? 其實我都唔係好識聽, 或者學過"AC"果D人會識啦! 下次錄起佢, 問吓人先! 呢場演唱會, 歌手唔encore, 而且亦都冇人叫encore! 最後歌手仲送一幕默劇"爛泥"!

貓展虐待編

miss four: 衰仔, 你做乜果日咁惡死呀! 成日擘大個口heah人!
cret cret: 主人,我真係好唔開心架,我已經用眼神叫佢地唔好, 佢哋都仲搞我呀.... 嗚嗚嗚....佢地又栓我個鼻, 整我塊面, 又用梱仔打我, 仲迫我埋籠角凶我,你唔好以為阿姑笑騎騎, 佢其實喺度gee lee koo loo叫我因住呀.....


























Mr. Four: 去得咁淒涼, 咁我考慮吓下次唔去嘞 @~@

貓展有大收穫

上次見人哋個blog收到條好靚嘅手巾, 好鬼羨慕, 今次終於輪到我嘞! 哈哈哈!
catshow嗰日, 某人鬼鬼祟祟咁遞份嘢過嚟, 仲叫我低調d, 唔好咁揚, 當然yes sir收埋先啦, 返到屋企先打開, 嘩原來係好靚嘅手巾仔, 仲要係我鍾意嘅質地, 下個trip啱晒呀!
某人係邊個? 唔講得架.......

久違了一陣, 又肥了很多喇